Tilkarrusulu Pare 03 Ruku No 11 With Urdu Hindi Tarjuma And Transletion.
آل عمران
ASSALAMUALIKUM WARAHMATULLAHI WABARKATUHU.
KHUSH AMADEED HAI AAP SAB KA HAMARE WEBSITE PAR AAP SAB KE LIYE ROZ AANA {QURAN KA } EK RUKU POST KIYA JAYEGA AAP SAB SE GUZARISH HAI KE AAP SAB PADH KAR DUSRAO TAK SHARE KARIYE.
Tilkarrusulu Pare 03 Ruku No 11 With Urdu Hindi Tarjuma And Transletion.
SURAH AAL~E ~IMRAN MADANI HAI ISME 200 AAYATE HAI.
PARA:- {03}.
RUKU NO:- {11}.
AAYAT’EN:- {10}
SHURU KARTA HU ALLAH TAALA KE NAAM SE JO BADA MEHERBAAN NIHAYAT REHEM WALA HAI
A.(AAYAT NO 1) Jo Log Allah Taala Ki Aayatao Se Kufr Karte Hai Aur Na Haq Nabiyao Ko Khatam Kardalte Hai Aur Jo Log Adal Wo Insaaf Ki Baat Kahi Unhe Bhi Khatal Kar’dalte Hai’ To Aaye Nabi ! Inhe Dardnaak Azaab Ki Khabar Dedijiye!. B.(AAYAT NO 2) Inke Aamal Duniya Wo Aaqirat Me Inka Koi Madatgaar Nahi. C.(AAYAT NO 3) Kya Aapne Inhe Nahi Dekha Jinhe Ek Hissa Kittab Ka Diya Gaya Hai Wo Apne Aapas Ke Faislao Ke Liye Allah Taala Ki Kitaab Ki Taraf Bulaye Jaate Hai’ Phir Bhi Ek Jamat Inki Muh Phair Kar Laut Jaati Hai.
D.(Aayat No 4) Iski Wajah Inka Ye Kehna Hai Ke Hume To Gine Chune Chand Din Hi Aag Jalayegi’ Ghadi Ghadayi (Sonchi Samjhi ) Batao Ne Inhe Inke Deen Ke Baare Me Dhoke Me Daal Rakha Hai.
E.(AAYAT NO 5) Pas Kya Haal Hoga Jabke Hum Inhe Us Din Jama Karenge ? Jis ke Aane Me Koi Shak Nahi Aur Har Shaqs( Ko) Apna Apna Kiya (Dhara) Pura Pura Diya Jayega Aur Un Par Zulm Na Kiya Jayega.
F.(AAYAT NO 6) Aap Kehdijiye Aye Allah ! Aaye Tamaam Jahanao Ke Malik ! Tu JIse Chahe Baadshahi De Aur Jis’se Chahe Saltanat Cheen Le Aur Tu Jise Chahe Izzat De Aur Jise Chahe Zillat De’ Tere Hi Haat Me Sab Bhalayiya Hain’ Be’shak Tu Har Cheez Par Qadir Hai.
G.(AAyat no 7) Tu Hi Raat Ko Din Me Daqil Karta Hai Aur Din Ko Raat Me Lejata Hai’ Tu Hi Bejaan Se Jaandaar Paida Karta Aur Tu Hi Jaandar Se Bejaan Paida Karta Hai’ Tu Hi Hai Ke Jise Chahta Hai Be’shumaar DeTa Hai.
H.(AAYAT NO 8) Momino Ko Chahiye Ke Imaan Walao Ko Chordkar Kafero Ko Apna Dost Na Banao Aur Jo Aisa Karega Wo Allah Taala Ki Kisi Himayat Me Nahi Magar Ye Ke Inke Shar Se Kisi Tarha Bachao Maqsood ho’ Aur Allah Taala Khud Tumhe Apni Zaat Se Dara Raha Hai Aur Allah Taala Hi Ki Taraf Laut Jana Hai.
I.(AAYAT NO 9) Kehdijiye ! Ke Qawah Tum Apne Seeno (Dil ) Ki Baate Chupao Qawah Zahir Karo Allah Taala (Behre haal) Jaanta Hai’ Aasmano Au zameen Me Jo Kuch Hai Sab Ise Maloom Hai Aur allah Taala Har Cheez Par Qadir Hai.
J.(AAYAT NO 10) Jis Din Har Nafs (shaqs) Apni KI Hui Nekiyao Ko Aur Apni Ki Hui Burayi’yo Ko Maujood Paa’lega Aarzu Karega Ke Kaash ! Iske Aur Buraiyao Ke Darmiyan Bohat Hi Doori Hoti Allah Taala Tumhe Apni Zaat Se dara raha Hai Aur Allah Taala Apne Bandao Par Bohat Hi Meherbaan Hai.
ABOUT US:
Title:Tilkarrusulu Pare 03 Ruku NO 11 With Urdu Hindi Tarjuma
Voice: Mohammed Haji Bin Mohammed Ghouse Bin Mohammed Burhan.
Written: Mohammed Haji Bin Mohammed Ghouse Bin Mohammed Burhan.
Audio: Asia Islamic Studio & Mohammed Bilal.
Written & Video Editing: Mohammed Hamza.
Website: www.kahoallahekhai.com
Studio: Asia Islamic Studio
Important Note:
To Support Us:
Jazakallah Hu Khaira.
